Portugalia me veç një fitore ndaj Francës, por me peshë kampioni!

Goli i Eder në minutën e 109, rezultoi fatal për Francën në finalen e vitit 2016, kurse Portugalisë po i sillte titullin e parë të kampionit në Evropë.

“Gjelat” që këtë duel po e luanin në “Parkun e Princave” në Paris para tifozëve të tyre, e përjetuan atë që portugezëve u kishte ndodhur në vitin 2004, ku në Lisbonë humbisnin finalen nga Greqia, me rezultat të njejtë, 1-0.

Fitorja që shpalli Portugalinë kampione në Euro 2016, ishte e para në histori ndaj Francës, por me peshën më të madhe se 7 triumfet e francezëve që kanë arritur në duelet e ndërsjella.

Vetëm dy barazime njeh përballja mes këtyre dy shteteve, 0-0 në Ligën e Kombeve në vitin 2020 dhe 2-2 në Evropianin e kaluar, gjatë fazës së grupeve, njofton Klankosova.tv.

Franca e ka fituar dy herë këtë kompeticion. Në vitin 1984 të udhëhequr nga legjenda Platini, mposhtën 2-0 Spanjën, kurse 16 vjet më vonë, me “magjistarin” Zidane, mundën Italinë 2-1, ku vendosi “goli i artë” i sulmuesit David Trezeguet.

Portuigali – Francë luhet të premten, me fillim në orën 21:00 dhe transmetohet direkt dhe ekskluzivisht në Klan Kosova dhe Art Motion.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.