Policia e Kosovës pas thirrjes së DASH për kujdes: Po trajtojmë çdo informacion

Pas raportimeve se disa institucione të huaja në Kosovë u kanë bërë thirrje qytetarëve që të shmangin disa zona në vend si shkak i rrezikut të sulmeve potenciale terroriste, Policia e Kosovës ka reaguar duke thënë se janë duke trajtuar çdo informacion në lidhje më këtë

“Policia e Kosovës është institucion i zbatimit të ligjit dhe konform autorizimeve ligjore që ka trajton çdo informacion apo çështje e cila ndërlidhet me fushëveprimin policorë. Varësisht nga natyra e informacionit dhe rezultimit të të gjeturave, ndërmerr veprimet e saja operacionale në bashkëpunim dhe koordinim me organet e drejtësisë, në interes të ruajtjes së rendit dhe sigurisë publike në vend”, thuhet në përgjigjen e zyrës së informimit nga Policia e Kosovës, transmeton Klankosova.tv.

Kujtojmë se më herët, Departamenti Amerikan i Shtetit i ka bërë thirrje qytetarëve amerikanë që të kenë kujdes dhe të shmangin disa zona të caktuara për shkak të rreziqeve që mund të paraqiten si shkak i grupeve të mundshme terroriste.

DASH apelon tek shtetasit amerikanë që të kenë kujdes nga sulmet e mundshme terroriste në Kosovë