Policia arreston ish-zyrtarin e gjendjes civile në Prishtinë

Policia arreston ish-zyrtarin e gjendjes civile në Prishtinë

NULL NULL
1 month më parë

Drejtoria për Hetimin e Krimeve Ekonomike dhe Korrupsionit e Policisë së Kosovës e ka arrestuar një person të dyshuar me inicialt M.B, i cili ka punuar si zyrtar i gjendjes civile në Prishtinë.

Ai dyshohet se në kundërshtim me ligjet dhe aktet nënligjore, në disa raste me persona të ndryshëm, pa vërtetuar dhe verifikuar, në kundërshtim me të dhënat nga librat amzë të skanuar, personat e dyshuar i ka regjistruar në librat amzë kinse kanë qenë të regjistruar, dhe më pastaj të njëjtit i ka regjistruar në sistemin elektronik të gjendjes civile.

“Sot me datë 27.10.2021, Policia e Kosovës, Drejtoria për Hetimin e Krimeve Ekonomike dhe Korrupsionit, përkatësisht Sektori për Hetimin e Krimeve Ekonomike, në koordinim me Prokurorin e Prokurorisë Themelore në Prishtinë, pas veprimeve të ndërmarra hetimore për disa muaj, kanë arrestuar një person të dyshuar me inicialet (M.B.), ish-zyrtari i gjendjes civile në Prishtinë (tani i pensionuar)”.

“Dyshohet se i njëjti gjatë punës së tij zyrtare, në kundërshtim me ligjet dhe aktet nënligjore, në disa raste me persona të ndryshëm, pa vërtetuar dhe verifikuar, në kundërshtim me të dhënat nga librat amzë të skanuar, personat e dyshuar i ka regjistruar në librat amzë kinse kanë qenë të regjistruar, dhe më pastaj të njëjtit i ka regjistruar në sistemin elektronik të gjendjes civile, kurse të dyshuarit kanë arritur të pajisen me dokumente identifikuese të RKS-së, si letërnjoftim dhe pasaportë me të dhëna të rreme me të cilat dokumente janë paraqitur në shtetet perëndimore”.

M.B, dyshohet se ka kryer vepren penale “Keqpërdorimi i pozitës apo autoritetit zyrtar” dhe me aktvendim të Prokurorit i është caktuar masa e ndalimi prej 48 orësh.

” Personi i dyshuar i lartcekur me iniciale (M.B.), dyshohet se ka kryer veprën penale ‘’Keqpërdorimi i pozitës apo autoritetit zyrtar’’ dhe me aktvendim të Prokurorit nga Prokuroria Themelore në Prishtinë, Departamenti i krimeve të rënda, të njëjtit i caktohet masa e ndalimit prej 48 orëve”.

Policia e Kosovës njofton se janë iniciuar rastet edhe për katër personat e tjerë.

“Raste janë iniciuar edhe për katër (4) persona të tjerë të involvuar nën dyshimet për kryerje të veprave penale ‘’Falsifikim i dokumentit’’ nga neni 390 dhe ‘’Legalizim i përmbajtjes së rreme’’ nga neni 395 i KPRK-së, për procedurë të mëtejme”.