Podujeva bëhet me asamble të re, betohet Bulliqi (VIDEO)

I zgjedhuri i llapjanëve për të parin e Komunës, Shpejtim Bulliqi, të premtën bëri edhe zyrtarisht betimin, duke marrë kështu mandatin katër vjeçar si kryetar.

Në seancën solemne ishin të pranishëm 33 asamblistë. Aty munguan dy ish kundërkandidatët e Bulliqit, Ekrem Hyseni nga Lidhja Demokratike dhe Floretë Zejnullahu nga Partia Demokratike.

Kryetari i Podujevës u zotua se do të shtrijë dorën e bashkëpunimit për të gjithë këshilltarët komunal, pa dallim partie.

Ai u premtoi qytetarëve se zyra e kryetarit të Komnunës do të udhëhiqet nga parimi i gjithëpërfshirjes.