Po shuanin flakët në pyll, vriten dy zjarrfikës në SHBA

Një burrë i armatosur me pushkë shkaktoi qëllimisht një zjarr në pyll dhe më pas filloi të qëllonte drejt ekipeve të ndihmës së shpejtë në një komunitet malor në veri të Idaho-s, duke vrarë dy zjarrfikës dhe duke plagosur një të tretë gjatë një breshërie me armë zjarri gjatë disa orëve.

“Ne besojmë se i dyshuari e nisi zjarrin dhe besojmë se ishte një pritë dhe e qëllimshme. “Këta zjarrfikës nuk patën asnjë shans.”, tha Sherifi i Qarkut Kootenai, Bob Norris.

Zyrtarët e Sherifit thanë se ekipet iu përgjigjën një zjarri në Malin Canfield, pak në veri të Coeur d’Alene, rreth orës 13:30, dhe u raportuan të shtëna me armë zjarri rreth gjysmë ore më vonë, shkruan The Guardian, transmeton Klankosova.tv.

Hetuesit thanë se personi i armatosur veproi i vetëm.

“Ne besojmë se ai ishte i vetmi person që qëlloi në atë mal në atë kohë”, tha Norris.

Autori i dyshuar i sulmit është gjetur i vdekur me një armë pranë tij dhe besohet se ka vepruar i vetëm.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.