Po hetohet edhe transferimi i Ronaldos te United-i

Prokurorët italianë kanë urdhëruar të hetohen zyrat e Juventusit ku mes tjerash po ekzaminohet edhe mënyra e transferimit të Cristiano Ronaldo-s te Manchester United-i.

Prokurorët nga Torino kanë thënë javën e kaluar që po hetojnë nëse menaxherë të lartë të Juventusit u kanë dhënë komunikime false investitorëve dhe kanë lëshuar fatura për transaksione joekzistente.

Klubi e ka ritheksuar që po bashkëpunon në çdo aspekt me autoritetet në këtë çështje.

Gjithçka ka nisur pas dyshimeve që Zonja e Vjetër i ka regjistruar në mënyrë false vlerat e transfereve midis viteve 2019 dhe 2021 në mënyrë që t’u ikin shkeljes së Lojës Financiare Fer.