Pesë gola e plot kartonë, Gallata e fiton betejën ndaj Tottenham

Galatasaray ka shënuar fitore të rëndësishme në shtëpi ndaj Tottenhamit, në Europa League.

Gjiganti turk mposhti 3:2 ekipin nga Londra e Veriut në Stamboll.

Aty po ashtu u zhvillua një lojë tejet e ashpër, ku referi ndau hiç më pak se nëntë kartonë të verdhë e një të kuq, ku futbollisti i skuadrës angleze Lankshear, u përjashtua pas dy kartonëve të verdhë.

Vendasit në epërsi i kaloi Akgun, në minutin e gjashtë të ndeshjes, por nuk vonoi shumë dhe Tottenham barazoi shifrat, në 12 minuta më pas.

Osimhen “shpërtheu” duke shënuar dy herë në periudhën e shtatë minutave për t’i dhënë epërsinë e dy golave Galatasarayt.

Krejt tjetër çfarë arritën të bënin “Spursat” ishte edhe goli i dytë në minutën e 69-të nga Solanke.

Me këtë fitore, Galatasaray merr përkohësisht primatin në Ligën e Evropës me 10-të pikë pas katër ndeshjeve.

Në anën tjetër, Tottenhami e pëson humbjen e parë dhe bie në vendin e pestë me nëntë pikë të grumbulluara.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.