Personat që ishin brenda Manastirit në Banjskë u përcollën për në Novi Sad nga EULEX

Një grup terrorist i armatosur gjatë së dieles sulmoi policinë e Kosovës, ku i vdekur mbeti rreshteri Afrim Bunjaku, nga fshati Samadrexhë e Vushtrrisë.

Grupi i përbërë prej 30 personash u barrikaduan brenda një Manastiri në fshatin Banjskë të Zveçanit, e ku u raportua se brenda kishte edhe një numër pelegrinësh.

Sipas mediave serbe, ata u përcollën për në Novi Sad nga EULEX-i, përcjell Klankosova.tv

Nuk ka më shumë informacione lidhur me këtë rast.

Nuk bëhet e ditur se kush ishin këta persona, ishin besimtarë apo i takonin grupit terrorist.

Klankosova.tv do të kërkojë informacione nga EULEX lidhur me rastin.

Klan Kosova i ka siguruar pamjet e përcjelljes nga ana e Misionit Ndërkombëtar për Sundim të Ligjit/Klankosova.tv

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.