Përfundon pjesa e parë e konferencës për lansimin e Fondit Sovran

Me dy grupet punuese është mbajtur pjesa e parë e konferencës së Fondit Sovran, ku u tregua se çka është bërë deri tash për institucionin i cili është afër krijimit.

Ngjarja është organizuar nga Zyra e Kryeministrit dhe Fondacioni Friedrich Ebert, ku morën pjesë edhe shumë ekspertë vendorë e të huaj.

Kryeministri Albin Kurti tregoi se ndërmarrjet publike si Trepça do të kalojnë nën menaxhimin e këtij fondi, derisa përmendi edhe të mirat që sjell ai sipas tij.

Për funksionimin e Fondit Sovran, foli edhe koordinatorja e tij, Rrezarta Pllana, e cila tha se ai do të jetë institucion zhvillimor që ndër të tjera do të menaxhojë asetet shtetërore.

Pas fjalës së panelistëve, pjesëmarrësit patën mundësinë të bëjnë edhe pyetje.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.