Përfundon gara evropiane për Dritën

Skuadra gjilanase, Drita, ka pësuar edhe humbjen e dytë në përballjen me Celjen e Sllovenisë në kuadër të play-offit të Ligës së Konferencës.

Me rezultat të njëjtë sikurse edhe në ndeshjen e parë, 3-2, u mposht për t’u kthyer në shtëpi.

Vendësit shënuan dy gola të shpejtë në pjesën e parë, por lojtarët e Dritës arritën të ngushtojnë epërsinë në 2-1 në minutën e 26-të.

Megjithatë, në 45 minutat e para, sllovenët shënuan sërish për 3-1.

Në pjesën e dytë, Dabiqaj shënoi për të ngushtuar sërish epërsinë, por që ky gol doli të jetë edhe i fundit i shënuar në këtë ndeshje.

Kështu, gara evropiane u mbyll në Celje për Dritën. /Klankosova.tv