Përdorimi i marihuanës krijon nivele të larta të metaleve toksike në gjak dhe urinë

Përdoruesit e marihuanës mund të krijojnë nivele të larta të metaleve toksike në gjakun e tyre. Sipas studiuesve, njerëzit që përdorin marihuanën në përditshmëri kanë nivele të konsiderueshme të plumbit dhe kadmiumit në trupin e tyre.

Këto janë të njëjtat metale toksike që gjenden në disa lloje duhani.

“Ashtu si bima e duhanit, bima e kanabisit është një hiper-akumulues i metaleve”, tha autorja kryesore Katlyn McGraw, studiuese postdoktorale në Shkollën e Shëndetit Publik të Universitetit Columbia Mailman në qytetin e Nju Jorkut, raporton Upi, transmeton Klankosova.tv.

Ajo shtoi se konsumatorët duhet të jenë të vetëdijshëm për potencialin e ekspozimit ndaj metaleve toksike kur blejnë marihuanë.

Nivelet e ulëta të kadmiumit janë të lidhura me një gamë efektesh negative shëndetësore, duke përfshirë sëmundjet e zemrës dhe enëve të gjakut. Ndërkohë, plumbi është një neurotoksinë e fuqishme tek të rinjtë dhe gjithashtu lidhet me sëmundjet e zemrës.

Për studimin, McGraw dhe kolegët e saj mblodhën të dhëna për më shumë se 7200 pjesëmarrës në një anketë shëndetësore mbarëkombëtare nga 2005 deri në 2018, të cilët përdorën ekskluzivisht marihuanë.

Studiuesit matën nivelet e pesë metaleve në gjakun e pjesëmarrësve dhe 16 në urinën e tyre. Ata që përdorën ekskluzivisht marihuanë kishin nivele dukshëm më të larta të plumbit dhe kadmiumit në gjak dhe urinë sesa njerëzit që nuk e përdornin drogën.

Për shkak se të dhënat u vetë-raportuan, hetuesit nuk mund të jenë të sigurt se ekspozimi i pjesëmarrësve ndaj këtyre metaleve ishte vetëm nga kanabisi, por se gjasat janë të mëdha.

Rreziqe të tjera shqetësuese përfshijnë ndërveprimet me ilaçe; ekspozimi i paqëllimshëm ndaj fëmijëve dhe kafshëve shtëpiake, duke çuar në vizita në dhomën e urgjencës; përdorimi gjatë shtatzënisë, i cili mund të rezultojë në probleme zhvillimi; përdorimi gjatë adoleshencës, i cili mund të ndryshojë zhvillimin e trurit; ngarje nën ndikim; dhe ndikimet në shëndetin mendor duke përfshirë depresionin, psikozën dhe ankthin, tha Aussem. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.