PDK kërkon seancë të jashtëzakonshme lidhur me arrestimin e Nagip Krasniqit

Shefi i Grupit Parlamentar të Partisë Demokratike të Kosovës, Abelard Tahiri, ka bërë ditur se ky subjekt politik do të inicojë një seancë të jashtëzakonshme të mërkurën lidhur me arrestimin e kryeshefit të Korporatës Energjetike të Kosovës, Nagip Krasniqit.

“Nga ora 11:00 mendojmë të fillojë seanca, për këtë janë 40 nënshkrime nga deputetët e opozitës, do ta ftojmë edhe kryeministrin Albin Kurti për të folur për arrestimet dhe zhvillimet e fundit që kanë ndodhur në KEK”.

“Është diçka e paprecedentë që të mbrohet një kryetar i cili është i arrestuar dhe në paraburgim. Ai akoma nuk është shkarkuar, duhet të shkarkohet edhe bordi i KEK-ut. Po ashtu, kemi pasur një mbrojtje ndaj këtij drejtori nga pozita dhe vet kryeministri Albin Kurti”, ka thënë Tahiri./Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iO