Pasi dha dëshminë, 36-vjeçari që abuzoi me vajzën e tij mbetet në burg

“Arrest me burg” ka vendosur Gjykata e Shkallës së Parë të Rrethit Gjyqësor Fier për 36-vjeçarin e dyshuar si abuzues i vajzës së tij të mitur 12-vjeçare.

Ai mbërriti në ambientet e gjykatës rreth orës 10:00, me kokën ulur, ndërsa ka dhënë dëshminë e tij para trupit gjykues të përbërë nga Prokuror Genci Mane, gjyqtar Nertil Dushku dhe avokat kryesisht, shkruan A2 CNN.

Në dëshminë e tij në polici, 36-vjeçari pohoi se e ka bërë vetëm një herë një akt të tillë të turpshëm ndërsa ka pranuar se ka abuzuar me vajzën e mitur. Para trupit gjykues, 36-vjeçari ka qëndruar gjithë kohën me kokën ulur dhe ka pohuar abuzimin. Ekspertiza mjeko-ligjore ka vërtetuar se ai ka kryer disa herë marrëdhënie me vajzën.

Në prononcimin e saj për mediat, edhe nëna e të miturës ka pohuar se abuzimi ka qenë sistematik ndërsa ka kërkuar dënim maksimal për bashkëshortin e saj. Ajo ka pohuar gjithashtu se nuk ka qenë në dijeni më herët dhe gjithçka e ka mësuar pas denoncimit të vajzës në polici.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.