Partia e Drejtësisë shtrihet edhe në Deçan

Partia e Drejtësisë tani e tutje do të jetë prezent edhe zyrtarisht në qytetin e Deçanit, ngase të shtunën ka themeluar degën e saj në këtë qytet , kryetar i së cilës u zgjodh, Halil Maloku.

Në Kuvendin Zgjedhor u zgjodh edhe kryesia e re dhe delegatët që do të marrin pjesë në Kuvendin Qendror të PD-së, që pritet të mbahet në mesin e muajt qershor.

Me këtë rast, Kryetari i porsazgjedhur i kësaj dege, Halil Maloku, ka thënë se qytetarëve të Deçanit me rrethinë po i ofrohet një mundësi më tepër, duke shtuar se programi dhe vlerat që i posedon PD-ja, i hapin rrugë ndryshimeve në këtë komunë.

Maloku poashtu u zotua se do të bëjë përpjekje që kjo parti të gjejë shtrirje në tërë territorin e kësaj komune.