Panik në fluturimin Palma-Manchester, 18 të lënduar pas alarmit të rremë për zjarr

Një fluturim nga Palma drejt Manchester-it u evakuua në mënyrë dramatike në Mallorca për shkak të një alarmi për zjarr.

Sipas mediave lokale si Mallorca-Zeitung, gjatë evakuimit u plagosën 18 persona, transmeton klankosova.tv.

Fillimisht u raportua se kishte shpërthyer zjarr, por kompania ajrore e mohoi këtë.

Sipas tyre, fluturimi u ndërpre për shkak të një sinjali të gabuar të sistemit të alarmit të zjarrit. Pasagjerët u evakuuan përmes rrëshqitësve të fryrë dhe u kthyen në terminal. Gjatë këtij procesi, disa pasagjerë pësuan lëndime të lehta.

Mediat raportojnë se disa pasagjerë, në panik, nuk ndoqën udhëzimet e stafit dhe u hodhën nga pjesa e avionit në tokë për të shpëtuar. Shërbimet e emergjencës trajtuan 18 të lënduar, prej të cilëve 6 u dërguan në spital, ndërsa të tjerët u trajtuan në vend.

Për pasagjerët u organizua një fluturim zëvendësues.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.