Palmer: SHBA është e përqendruar të mbështesë dialogun Kosovë - Serbi që po e udhëheq Brukseli

Palmer: SHBA është e përqendruar të mbështesë dialogun Kosovë – Serbi që po e udhëheq Brukseli

1 muaj më parë

SHBA-ja është e përqendruar të mbështesë procesin e dialogut ndërmjet Kosovës dhe Serbisë që po e udhëheq Brukseli

Kështu ka thënë Zëvendësi i ndihmësit të Sekretarit dhe përfaqësuesi special i Departamentit të Shtetit, Matthew Palmer, për Zërin e Amerikës në gjuhën serbe.

Sipas Palmer, në formën ideale marrëveshja do të duhej të finalizohej me njohje reciproke mes Kosovës dhe Serbisë, transmeton Klan Kosova.

“Fjalët për ndërrim territoresh, tërheqin vëmendjen nga synimi kyq: që Serbia e Kosova dhe qeveritë e tyre të punojnë në gjetjen e rrugës për normalizim të marrëdhënieve. Ne e mbështesim këtë proces dhe për këtë mendoj se është jorelevante dhe e pengojnë procesin debatet për ndërrim territoresh”, ka thënë Palmer.

Palmer thotë se është i lumtur që procesi i dialogut ka rifilluar me ndërmjetësimin e BE-së dhe përfaqësuesit të saj, Miroslav Lajçak, të cilin diplomati amerikan e ka quajtur mik dhe bashkëpunëtor.

“Më vjen mirë që ky proces ka rifilluar. Tash vonë kam pritur këtu në Uashington Skender Hysenin, përfaqësuesin e Kosovës në këtë proces. Shumë punë është para tyre. Një marrëveshje gjithëpërfshirëse do të ‘resetonte’ rajonin dhe do të trimëronte shtetet e Ballkanit Perëndimor që janë në rrugë për t’u bërë shtete anëtare te Bashkimit Evropian”, ka thënë Palmer.