20:25, 14 Gusht 2019

Ministri në detyrë i Punëve të Jashtme, Behgjet Pacolli, ka njoftuar se mëngjesin e sotëm në Danimarkë është sulmuar Konsullata e Kosovës.

Pacolli theksoi se këtë akt e kanë bërë huliganët serbë.

“Sot, në orët e hershme të mëngjesit është sulmuar Konsullata e Republikës së Kosovës në Kopenhagë, në Mbretërinë e Danimarkës si dhe është dëmtuar Stema e Shtetit të Kosovës nga banditët dhe huliganët serbë në Danimarkë.”

Numri një i MPJ-së, dënon veprën dhe thotë se po punojnë së bashku me autoritetet daneze për të vënë para drejtësisë autorët.

“Ne e denojmë këtë veprim qyqarë që shkel Konventën e Vjenës dhe sigurinë e ambienteve diplomatike dhe konsullore. Ne jemi duke punuar me autoritetet daneze për të sjellë përgjegjësit para drejtësisë. Sulmet e vazhdueshme të huliganëve serbë kundër ambienteve diplomatike dhe konsullore të Kosovës tregojnë vetëm frustrimin e politikës së ngecur të Serbisë e cila ende nuk don të kuptoj se qe 11 vjet në Balkanin Perëndimor ekziston një shtet i pavarur që quhët Republika e Kosovës.”

Ai poashtu dënon fuqishem propagandën serbe dhe fushatën agresive të Serbisë kundër Republikës së Kosovës.

Konkurs Pune

Lexo më shumë