Paçarizi për 2 milionëshin: Është shqetësuese, për herë të parë po përballemi me vjedhje të kësaj natyre

Analisti Rrahman Paçarizi ka thënë se rasti i vjedhjes së dy milionë eurove nga Thesari i Shtetit, është shumë shqetësues.

“Është hera e parë që po përballemi me një vjedhje të kësaj natyre. Ky si rast, është shumë i veçantë, për arsye se është bërë një veprim që është rezultat i një grupi të organizuar, me siguri, sepse ndryshe nuk mund të ndërhyrej në sigurinë kibernetike, sado që po thuhet që nuk është i tillë”.

Paçarizi në Rubikon në Klan Kosova, ka theksuar që është ndërhyrë në sigurinë të një sistemi që sipas tij, e kemi paramenduar si shumë më të sigurt.

“Unë e kam problem ta ndërroj paswordin tim të emailit zyrtar pa e njoftuar dikë, e këtu është bërë një ndërrim i paswordave, në një sistem i cili është jashtëzakonisht i ndjeshëm”.

“Kjo situatë, do të ishte mirë që të kthehej për të mirë, në mënyrë që organet përkatëse të shtetit, t’i rrisin masat e sigurisë dhe të ndërhyjnë dhe të mos i neglizhojnë këto çështje, si e morëm vesh nga ato që u hulumtuan sidomos nga gazetarët”.

Paçarizi theksoi se organet përkatëse duhet të ndërmarrin masa që t’i eliminojnë gabimet të cilat deri tani nuk janë manifestuar si kjo e tashmja.

“Paska pasë hapësirë që të ndodhin vjedhje të tilla”, ka thënë Paçarizi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.