Nuk arrrihet ujdi te “Kroi i Vitakut” - Klan Kosova

Na ndiqni në:


Get it on Google Play Download on the App Store

Nuk arrrihet ujdi te “Kroi i Vitakut”

NULL NULL
21/05/2015
Edhe pas më shumë se dy orë bisedime në mes të përfaqësuesve institucionalë dhe banorëve shqiptarë të lagjes ‘Kroi i Vitakut’ në veri të Mitrovicës, s’ka marrëveshje për vazhdimin e menjëhershëm të rindërtimit të shtëpive të shqiptarëve në atë pjesë të qytetit.

Derisa disa prej banorëve shqiptarë kanë shprehur zhgënjimin e tyre pas këtij takimi, përfaqësuesit institucionalë thanë se do të formohet një grup ndërministror ku do të përfaqësohen shqiptarët dhe serbët, dhe të fillohet puna e kthimit.

Ministri për Komunitete dhe Kthim, Dalibor Jevtiq, tha se institucionet përgjegjëse janë të angazhuar maksimalisht për gjetjen e një zgjidhje të qëndrueshme dhe pa probleme.

Edhe kryetari i Mitrovicës Agim Bahtiri, tha se të gjithë janë duke u angazhuar maksimalisht për zgjidhjen e këtij problemi dhe gjërat janë në rrugë të mbarë.

Ai u shpreh i bindur se marrëveshja do të implementohet sepse janë të përfshira institucionet më të larta të vendit.

Në anën tjetër, Nazmi Ismajli, përfaqësues i shqiptarëve të kësaj lagje, u shpreh i zhgënjyer me takimin, duke thënë se marrëveshjen e ka kundërshtuar kategorikisht, por nuk ka pasur mbështetjen e shumicës së banorëve, andaj ajo ka kaluar.

Sipas tij, do të shkojnë muaj të tërë dhe shtëpitë e shqiptarëve nuk do të fillojnë së ndërtuari.