Osmani takon Scholzin e Macronin, flasin pë zhvillimet e fundit në Kosovë

Presidentja e vendit, Vjosa Osmani, ka takuar kancelarin gjerman, Olaf Scholz, dhe presidentin francez, Emmanuel Macron.

Në llogarinë e saj në Twitter, Osmani ka bërë të ditur se me dy liderët evropianë kanë diskutuar për zhvillimet e fundit në Kosovë dhe në rajon, njofton Klan Kosova.

Në kuadër të vizitës së saj në Moldavi, ajo e ka takuar edhe Përfaqësuesin e Lartë për Politikë të Jashtme të BE-së, Josep Borrell.

“Diskutuam për zhvillimet e fundit në Kosovë dhe rajon, si dhe për përpjekjet tona të përbashkëta për paqe, siguri dhe stabilitet”.

Këtë takime ajo i ka zhvilluar në Kishinau të Moldavisë, ku po merr pjesë në samitin e Komunitetit Politik Evropian.

Gjatë të mërkures, Klan Kosova ka paralajmëruar se Osmani mund t’i takojë sot Scholzin dhe Macronin në Kishinau.

Tensionet në veri, Macroni e Scholzi të enjten presin të takojnë Osmanin e Vuçiqin

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.