Osmani sot takohet me Macronin dhe Scholzin

Presidentja e Kosovës Vjosa Osmani, sot pritet të takohet me presidentin e Francës Emnanuel Macron, në Kishnau të Moldavisë.

Kjo u bë e ditur nga ai gjatë një fjalimi të tij në në GLOBSEC 2023 Bratislava Forum.

Macroni tha se do ta takojë presidenten e Kosovës, Vjosa Osmani dhe atë të Serbisë Aleksandar Vuçiq.

Kreu i shtetit francez foli edhe për tensionet në veri.

“Ka një përgjegjësi të qartë të autoriteteve kosovare në situatën aktuale dhe mungesë respekti për një marrëveshje që është e rëndësishme dhe është mbyllur disa javë më parë”, tha ai.

E para e shtetit të Kosovës do të takohet po ashtu edhe me kancelarin e Gjermanisë Olaf Scholz.

Zëdhënësi i qeverisë gjermane, Steffen Hebestreit, tha se kancelari gjerman do të takohet me presidenten e Kosovës Vjosa Osmani dhe me atë të Serbisë Aleksandar Vuçiq.

Hebestreit theksoi se do të diskutohet rreth situatës aktuale në veri të Kosovës./Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.