18:49, 21 Shkurt 2020

Gjatë vizitës në Gjilan, kryetarja e Kuvendit të Kosovës, Vjosa Osmani ka vizituar shkollën e ulët e të mesme “Thimi Mitko”, më e vjetra në këtë komunë.

Në takim me një grup nxënësesh e mësimdhënësish të shkollës, Osmani i ka inkurajuar për t`iu qasur rrugës si dijes si një garancë për arritjet e mëtejme në jetë, transmeton Klan Kosova.

Në interesimin e nxënëseve për mbështetjen e sistemit arsimor, Osmani ka thënë se institucionet e Kosovës e kanë ndër prioritetet kryesore, përmirësimin e gjendjes në arsim, duke nisur që nga edukimi parashkollor. Në këtë kontekst, ka thënë se sistemi arsimor duhet t`i nënshtrohet procesit të reformimit.

Ajo iu ka përkujtuar nxënëseve se dija nuk ka kufi dhe se mësimi gjatë gjithë jetës është mënyra më e mirë për rezultatet e dëshiruara.

“Përkushtimi për dijen është parakusht për arritje në çdo fushë e profesion”.

klankosova.tv

Konkurs Pune

Lexo më shumë