Osmani kërkon mbështetje nga kryeparlamentari estonez

Presidentja e Kosovës Vjosa Osmani në vizitën e saj zyrtare në Estoni është takuar edhe me kryetarin e Parlamentit, Juri Ratas.

Në takim, Osmani ka thënë se Kosova pret nga Estonia mbështetje në synimet e saj integruese, njofton Klan Kosova.

“Kosova mirëpret thellimin e bashkëpunimit ndërparlamentar, ndërkohë që presim mbështetjen e Estonisë në përpjekjet tona për fuqizim të shtetësisë dhe për proceset euroatlantike. Ndërkaq me ish-Kryeministrin dhe Kryetarin e tanishëm të Komitetit për Çështje Evropiane, diskutuam për vitet e transformimit politik e digjital të Estonisë dhe reformat e nevojshme për integrim në BE”, ka shkruar Osmani në Facebook.