Opozita e bashkuar kundër Thaçit dhe partive në pushtet

Shefi i grupit parlamentar të Lidhjes Demokratike të Kosovës, Avdullah Hoti ka akuzuar kryekuvendarin Kadri Veseli që sipas tij është bërë vegël e Hashim Thaçit, njofton Klan Kosova.

Ai ka theksuar se  partitë në pushtet po i bëjnë të gjitha manovrimet politike që të mos mbahet seanca e thirrur nga opozita ku pritet të miratohet rezoluta që i ndalon Presidentit të diskutojë në Brusel për territorin e Kosovës.

Nga ana e tij, shefi i grupit parlamentar të Lëvizjes Vetëvendosje, Glauk Konjufca tha se ata nuk do të presin që të zgjasin në pafundësi siç i quajti ai lojërat e pushtetit.

Edhe ai ka kërkuar që sipas rregullores së Kuvendit kryetari të thërret seancën që spas procedurave ka qenë e para e thirrur e para, njofton Klan Kosova.

Në këtë paraqitje kanë folur edhe Mimoza Kusari-Lila  dhe Shqipe Pantina nga partia Socialdemokrate

Ato thanë se opozita po shtypet nga pushteti, derisa kanë akuzuar kreun e shtetit,  që sipas Kusari-Lilës po do të shkojë në dialog me Vuçiqin për ta ndarë Kosovën.

Në fund të konferencës, Hoti ka thënë se janë bllok opozitar i bashkuar kundër Thaçit dhe partive në pushtet./klankosova/.