Nuk ka Lollipop për një sërë pajisjesh

Samsung Galaxy Note II, HTC One mini dhe One mini 2 kanë mbetur jashtë listës së paisjeve që do të përditësohen me Android Lollipop. Këtë e kanë konfirmuar vetë prodhuesit.

Në një njoftim në Facebook, Samsung Gulf tha se Note II nuk do të përditësohet në Lollipop edhe pse më parë ishte konfirmuar një përditësim i tillë. Por, jo vetëm Note II ka mbetur pa Android Lollipop.

Pak javë më parë u njoftua se edhe Galaxy S4 mini nuk do të merrte përditësimin Lollipop, sipas Samsung, shkaku i “kufizimeve të memorjes”.

Jashtë do të mbeten edhe dy modelet e para të HTC One mini. Në Twitter kompania lajmëroi se HTC One mini 2 nuk do të përditësohej në Android Lollipop për shkak të rënies së performancës, si edhe HTC One mini (M7).

Pra, po deshët të mos ngeleni pa Android Lollipop bleni telefonët e fundit të këtyre kompanive.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.