Një ish-marins amerikan vritet në Ukrainë

Një ish-marins amerikan, Cooper “Harris” Andreës, 26 vjeçar, u vra në periferi të Bakhmut në fund të javës së kaluar.

Andrews, nga Cleveland, Ohio, u godit nga një mortajë, tha nëna e tij, Willow Andrews, me gjasë më 19 prill në të ashtuquajturën “Rruga e Jetës” – një rrugë e rrallë hyrëse në Bakhmut e përdorur nga ushtria ukrainase për të rifurnizuar forcat e tyre, por edhe për evakuimin e civilëve, shkruan CNN, transmeton Klan Kosova.

Trupi i Andrew ende nuk është gjetur, tha ajo, për shkak të luftimeve të vazhdueshme rreth qytetit.

Andrews punoi për një grup aktivistësh të njohur si Komiteti i Rezistencës, sipas deklaratave të kolegëve të tij në mediat sociale.

Ata thanë se ai u vra duke ndihmuar evakuimin e civilëve nga qyteti. Andrews u largua nga Cleveland, Ohio në nëntor dhe iu bashkua Legjionit të Huaj në Ukrainë, një grup luftëtarësh të huaj që ndihmonin ushtrinë ukrainase.

Departamenti Amerikan i Shtetit tha të hënën se mund të “konfirmojë vdekjen e një qytetari amerikan në Ukrainë”, pa përmendur emrin e individit.

“Ne jemi në kontakt me familjen dhe ofrojmë të gjithë ndihmën e mundshme konsullore”, tha një zëdhënës i Departamentit të Shtetit. “Nga respekti për privatësinë e familjes gjatë kësaj kohe të vështirë, ne nuk kemi asgjë për të shtuar më tej.”

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

klankosova.tv