Një grua goditet nga vetura në Fushë Kosovë (VIDEO)

Një grua goditet nga vetura në Fushë Kosovë (VIDEO)

NULL NULL
2 months më parë

Një grua ka marrë lëndime trupore pasi është goditur nga një veturë në Fushë Kosovë.

Lexuesit e Klankosova.tv kanë dërguar ku shihet një veturë e tipit “Mercedes” duke vozitur me një shpejtësi të madhe.

Aty nuk shihet qartë momenti i aksidentit por shihen njerëzit teksa vrapojnë për t’i dalë në ndihmë të lënduares.

Rasti është konfirmuar për Klankosova.tv edhe nga zëdhënësja e policisë për rajonin e Prishtinës, Flora Ahmeti.

Ahmeti tha se shoferi i automjetit është paraqitur në stacionin policor pak pas aksidentit.

“Sot rreth orës 08:00, në Fushë Kosovë, ka ndodhur një aksident komunikacioni rrugor, në mes të një automjeti dhe një këmbësori. Si pasojë e aksidentit, këmbësorja ka pësuar lëndime trupore, dhe të njejtës i është ofruar trajtimi i nevojshëm mjekësor”.

“Ngasësi i automjetit është paraqit në stacion policor pak kohë pas aksidentit pasi që i njëjti fillimisht është larguar nga vendi i ngjarjes. Rasti po trajtohet nga njësiti i trafikut”.