Një copë akulli përplaset në çatinë e shtëpisë dhe bie në kuzhinë (VIDEO)

Një copë akulli përplaset në çatinë e shtëpisë dhe bie në kuzhinë (VIDEO)

NULL NULL
2 months më parë

Një familje nga New Jersey u trondit kur një copë gjigante akulli u përplas në çatinë e shtëpisë së tyre dhe përfundoi brenda në kuzhinë.

Kim Paradise tha se ishte duke i dhënë ilaçe foshnjës së saj në shtëpinë e familjes kur dëgjoi një zhurmë të madhe që vinte nga një dhomë tjetër.

“Ne dëgjuam se diçka ndodhi, ishte si një shpërthim”, tha Paradise për WPVI-TV, transmeton Klan Kosova.

Pjesa e akullit u përplas në çatinë e shtëpisë dhe hapi një vrimë në tavanin e kuzhinës. Paradise tha se copa më të vogla akulli u gjetën jashtë shtëpisë.

“Ka akull jashtë në bar. Ka akull në oborrin tonë të pasmë, në çatinë tonë,” tha ajo.

Paradise tha se nuk ishte e qartë se nga vinte akulli, por kishte pasur avionë që fluturonin lart në kohën e incidentit.

Ajo po ashtu shtoi se askush brenda shtëpisë nuk u lëndua.