NISMA vazhdon t’i mobilizojë degët për zgjedhjet e parakohshme NULL NULL 13.08.2019 23:00 13.08.2019 23:00 Nisma Socialdemokrate ka vazhduar takimet me strukturat drejtuese të degëve anekënd vendit. Kryetari i Nismës Socialdemokrate, Fatmir Limaj, ka pritur në takim drejtuesit e degës se Nismës në Vushtrri. Kryetari Limaj tha se Nisma Socialdemokrate po shkon drejt zgjedhjeve të parakohshme me objektiva të qarta. “Dega e Vushtrrisë, e mobilizuar më shumë se kurrë më parë për procesin e ardhshëm zgjedhor. Drejtuesit e degës më konfirmuan gatishmërinë e tyre për të arritur objektivat tona në këto zgjedhje”, ka thënë ndër të tjera kryetari Limaj. Po sot, sekretari i Përgjithshëm, Bilall Sherifi dhe anëtari i kryesisë së Nismës, Skender Reçica, kanë vizituar degët e Nismës në Podujeve dhe Obiliq. “Sot në takime mobilizuese në degët e Nismës Socialdemokrate në Podujeve dhe Obiliq”, ka shkruar Sherifi. Krejt këto takime në funksion të mobilizimit të degëve për zgjedhjet e parakohshme. Nisma Socialdemokrate tash e disa ditë po mobilizon strukturat e saj në prag të zgjedhjeve të parakohshme. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 14 orë më parë