Nishani: Respektoni raportet ndëretnike - Klan Kosova


Na ndiqni në:


Get it on Google Play Download on the App Store

Nishani: Respektoni raportet ndëretnike

NULL NULL
10/05/2015
Presidenti i Shqipërisë, Bujar Nishani duke e komentuar situatën në Maqedoni iu ka bërë thirrje palëve për qetësi dhe respektim të marrëdhënieve ndëretnike.

Presidenti i Shqipërisë, Bujar Nishani, ka shprehur shqetësimin për situatën në Kumanovë të Maqedonisë, duke i bërë thirrje palëve për ruajtje të qetësisë dhe respektim të marrëdhënieve ndëretnike.

“Presidenti Bujar Nishani me shqetësim të madh po ndjek situatën në Kumanovë, dhe ndikimin e këtyre zhvillimeve në stabilitetin e vendit fqinj dhe marrëdhëniet ndëretnike në Maqedoni. Presidenti Nishani shprehu ngushëllimet për të gjithë qytetarët e Maqedonisë, qofshin ata shqiptarë apo maqedonas, që kanë humbur të dashurit e tyre”, thuhet në kumtesën e kabinetit të presidentit shqiptar.

Ai poashtuka apleuar tek të gjitha palët për përmbajtje dhe ruajtjen e qetësisë.

Kreu i Shqipërisë porosit që të gjitha palët duhet t’u kushtojnë me shumë kujdes  marrëdhënieve ndëretnike dhe, në respekt të Marrëveshjes së Ohrit, të ndërmarrin hapat dhe veprimet e duhura për qetësimin e situatës, sqarimin e saj dhe vënien e përgjegjësve përpara drejtësisë.