Nga vijnë dhe ku shkojnë paratë e Kampionatit Evropian?

Çdo katër vjet, sytë e botës drejtohen nga Kampionati Evropian UEFA, një nga ngjarjet më të mëdha të sportit global.

Popullariteti i jashtëzakonshëm i këtij kampionati gjeneron të ardhura të konsiderueshme përmes sponsorisimit, mediave, biletave, mikpritjes dhe licencimit.

Shitja e të drejtave te mediat për të transmetuar ndeshjet drejtpërdrejt në televizion dhe kanale të tjera, përfaqëson përqindjen më të madhe të të ardhurave totale të EURO 2024.

Vlera e të drejtave të medias për “EURO 2024” pritet të kalojë vlerën e “EURO 2020” prej 1,135 miliardë euro, transmeton Klankosova.tv

Kërkesa për më shumë se dy milionë e gjysmë bileta ndeshjesh për EURO 2024 ka qenë e madhe, me shitje të pritshme për secilin nga 10 stadiumet pritëse gjermane. Kostoja e secilës prej këtyre biletave, si dhe shitjet e mikpritjes, ndihmojnë në mbulimin e shpenzimeve të turneut.

Ku shkojnë të ardhurat?

Faqja zyrtare e UEFA-s shkruan se “pas mbulimit të kostove të organizimit të EURO-s, ne investojmë sa më shumë të jetë e mundur nga të ardhurat tona neto përsëri në futboll”.

Të ardhurat komerciale nga EURO gjithashtu rishpërndahen për klube. 222 milion € në total, ku 9,25 milion € do të shpërndahen për secilën nga 24 Kombëtaret pjesëmarrëse.

Fituesit mund të grumbullojnë 28.5 milion € plus bonuse të lidhura me performancën.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.