Nëse një mashkull sillet kështu, ai ju do dhe ju respekton

Dashuria mund të jetë e ndërlikuar ndonjëherë. Deshifrimi i ndjenjave të dikujt, veçanërisht i një mashkulli, mund të duket si deshifrimi i një kodi kompleks. Por këshilltarja për familjen dhe martesën Tina Fey thotë se meshkujt nuk janë aq misterioz sa mund të duken. “Kur një mashkull të pëlqen vërtet, ai do të tregojë disa sjellje delikate që flasin më shumë se fjalët”, tha ajo për Hack Spirit. Sjellje të tilla nuk janë gjithmonë të dukshme, por kur i vëmë re, janë tregues goxha të qartë se i jemi afër zemrës.

Dëgjon në mënyrë aktive

Një nga shenjat më të fuqishme të tërheqjes është dëgjimi. “Nuk bëhet fjalë gjithmonë për gjeste madhështore apo fjalë romantike. Ndonjëherë është aq e thjeshtë sa të dëgjosh me të vërtetë,” thotë Fey. Ajo shpjegon se një burrë do të tregojë interes të vërtetë për mendimet, ndjenjat dhe përvojat tona.

“Ai do të bëjë pyetje, do të kujtojë detajet dhe do të marrë pjesë aktive në biseda. Një sjellje e tillë tregon se ai vlerëson këndvështrimin tuaj dhe dëshiron t’ju kuptojë më mirë,” shton Fey, shkruan Index.hr, transmeton Klankosova.tv

Respekton kufijtë tuaj

“Një nga shenjat më të rëndësishme, por shpesh të anashkaluara, të tërheqjes serioze është respektimi i kufijve personalë. Nëse një mashkull respekton hapësirën tuaj, vlerëson mendimin tuaj dhe nuk ju detyron të bëni asgjë me të cilën nuk jeni të kënaqur, kjo është një tregues i mirë që je tërhequr seriozisht pas tij”, thekson Fey.

Ky respekt për kufijtë nuk vlen vetëm për hapësirën fizike. Bëhet fjalë gjithashtu për kufijtë emocionalë.

Ai përpiqet të kalojë kohë cilësore me ju

Koha cilësore është më shumë sesa thjesht të qëndrojmë së bashku. Bëhet fjalë për praninë, angazhimin dhe kënaqësinë e vërtetë në shoqërinë e njëri-tjetrit.

“Një burrë që ju do vërtet do të dëshirojë të krijojë përvoja dhe kujtime të përbashkëta me ju. Ai do të përpiqet të kalojë kohë cilësore me ju. Mund të jetë planifikimi i një takimi të veçantë ose një vendim i thjeshtë për të qëndruar më gjatë me ju dhe për të shijuar shoqërinë tuaj “, përfundoi ajo, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.