“Ndëshkimi” i Amerikës: Kosova e vogël i vuri tarifa ShBA-së gjigande (VIDEO)

Donald Trump nënshkroi shumë vendime ekzekutive, prejse u kthye në Shtëpinë e Bardhë, më 20 janar.

Pothuajse asnjërës nga këto Kosova nuk ia pa sherrin, deri te i fundit që e firmosi të mërkurën në oborrin e Shtëpisë së Bardhë, raporton Klan Kosova.

Kundrejt produkteve të shtetit më të ri në Evrope, sikur edhe shumë vendeve tjera, Trumpi vendosi tarifë bazë prej 10 për qind.

Tarifë të njëjtë do të ketë edhe Shqipëria.

Serbia ndërkaq, u godit shumë më keq, pasi bashkë me Bosnjën do të tarifohen në shkallën prej mbi 30 për qind.

Niveli i taksave nuk ka të bëjë me atë nëse Amerika ka ose jo marrëdhënie miqësore me shtetet e ndryshme.

Për ata që nuk e kanë ditur, Kosova ishte e para që kishte vënë tarifa ndaj mallrave amerikane. Për to u bë thirrje të hiqen.

Në Odën ekonomike Amerikane thanë se largimi i kësaj mase do të shërbente si një demonstrim i qartë i gatishmërisë së Kosovës për të thelluar lidhjet ekonomike me Amerikën. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.