Nënkryetarja e Kuvendit, Arbërie Nagavci, ka kërkuar nga Qeveria që të mos e pengojë votimin e Ligjin kundër pandemisë.

“Është një situatë shumë shqetësuese dhe ajo që po ndodhë është se numri i viktimave nuk po raportohet më. Për ato thuhet se ato kishin edhe sëmundje të tjera shoqëruese. Edhe pse gjendja po vështirësohet numri i rasteve pozitive po shtohet”, ka thënë Nagavci, njofton Klan Kosova.

“Kjo Qeveri e injoroi Ligjin për Pandemi duke e konsideruar si të panevojshëm. Në publik deklaruat se nuk qëndrojnë të gjitha arsyet dhe u shërbyet me argumente të pavërteta. Nga shteti model që ishim me ministrin Vitia – e konstatuar kjo jo nga ne por institucionet prestigjioze – tani jemi në tri vendet e fundit me gjendjen e vështirë me pandeminë”.

“Kështu ndodh kur nga Qeveria Kurti ramë te Qeveria Hoti. Nuk është e rastësishme situata në të cilën jemi”.