Mustafa: Vuçiq mund të thotë çfarë të dojë

Kryeministri i vendit Isa Mustafa e ka komentuar idenë e homologut të tij serb, Aleksandër Vuçiq për caktimin e një date për të përkujtuar vikitimat e luftërave në ish-Jugosllavi.

Ai ka thënë se Vuçiq mund të thotë çfarë të dojë por sipas tij Kosova është e fokusuar në zhvillimin e vendit.

Shefi i ekzekutivit kosovar ka paralajmëruar një qëndrim për këtë çështje në ditët në vijim.

Mustafa këto komente i bëri gjatë qëndrimit së bashku me ministrin e Bujqësisë, Memli Krasniqi dhe atë të të Financave, Avdullah Hoti në një tokë bujqësore, që ndodhet në sistemin e ujitjes “Radoniqi-Dukagjini” në magjistralen Gjakovë-Prizren.

Kreu i qeverisë me këtë rast u shpreh se po punohet në krijimin e kushteve sa më të mira për bujqit dhe fermerët e vendit, njofton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.