Mustafa: Të hiqet akciza dhe TVSH-ja për tre muaj

Deputeti i Lidhjes Demokratike të Kosovës Besian Mustafa, ka propozuar që të vendosen dy masa për ta përballuar ngritjen e çmimeve.

Mustafa në Kuvendin e Kosovës propozoi që të hiqen për tre muaj akciza dhe TVSH-ja.

“Ne propozojmë që të hiqet akciza në derivate për tre muaj me mundësi edhe për tre muaj të tjerë dhe po ashtu heqjen e TVSH në disa produkte bazë”- tha Mustafa.

Ai tha kjo mund të bëhet nga Qeveria me anë të një udhëzimi administrativ.

Sipas tij qytetarët çdo ditë po ankohen për ngritje çmimesh.