12:38, 10 Prill 2020

Prodhuesit dhe përpunuesit e qumështit , në bashkëpunim me Ministrinë e Bujqësisë, Pylltarisë dhe Zhvillimit Rural, do të rrisin kapacitetet në qumështoret e tyre, rrjedhimisht bashkë me këtë do të rritet edhe furnizimi i tregut me qumësht të freskët dhe produkte të tij.

Ministri në detyrë i MBPZHR-së, Besian Mustafa, i shoqëruar edhe nga kryetari i Kosovës, Burim Berisha, ka vizituar sot qumështoret e kësaj komune “Eurolona”, “Bylmeti” dhe kompaninë për shitjen e produkteve të freskëta “Kosmonte Foods”, njofton Klan Kosova.

“Jemi bashkë këtu për të konfirmuar përkrahjen tonë të vazhdueshme për të gjithë prodhuesit dhe përpunuesit e qumështit, të cilët do të mbështeten përmes subvencioneve dhe granteve, duke mundësuar kështu rritjen e prodhimit vendor të qumështit dhe produkteve të tij. Përmes kësaj mbështetje sigurojmë që tregu vendor të ketë furnizim në çdo kohë me prodhime të freskëta dhe cilësore të qumështit”, tha ministri Mustafa.

Ndërsa, Berisha gjatë kësaj vizite, e ka njoftuar ministrin me gjendjen me të cilën po operojnë këto agrobiznese në këtë komunë, duke e falënderuar për përkrahjen e tij për këtë sektor, veçanërisht në këtë kohë pandemie, me të cilën po përballet vendi.

Konkurs Pune

Lexo më shumë