Mourinho: Po sabotohem - Klan Kosova


Na ndiqni në:


Get it on Google Play Download on the App Store

Mourinho: Po sabotohem

NULL NULL
15/12/2015
Strategu portugez ka thënë se Leicester City ishte skadër më e mire, ndaje meritoi fitoren, ndërsa pjesë të fajit për disfatë ia ka lënë mosangazhimit të lojtarëve.

Po vazhdon rënia e lirë e Chelsea-it në Premier League.

Ndaj Leicester-it të Claudio Rainierit, Blutë e Londrës pësuan humbjen e 9-të sezonale pasi u mundën me rezultatin 2-1, duke konfirmuar momentin negativ që po kalojnë.

Në fillim të sezonit as tifozi më i çmendur i Leicesterit nuk do ta kishte menduar sa pas 16 javëve të para skuadra e Ranierit do të kryesonte klasfikimin dhe do të kishte plot 20 pikë më shumë se kampionët në fuqi të Chelsea-it.

Shumë i zhgënjyer u shfaq Jose Mourinho pas kësaj disfate me trajnerin e skuadrës londineze që akuzoi drejtëpërdrejtë futbollistët e tij në konferencën për shtyp për mungesë impenjimi.

“Dua fillimisht të përgëzoj Leicesterin. Ata ishin skuadra më e mirë në fushë për pjesën më të madhe të kohës dhe e merituan fitoren. Ne luajtëm vetëm për 20 deri në 30 minuta por ajo që më mërzit më shumë qëndron te fakti se pësuam dy gola në një mënyrë që për mua është e papranueshme. Disa nga futbollistët e nuk po luajnë në nivele të larta. Kjo është diçka e keqe për tu parë”.

Foli për tradhëti Jose Mourinho i cili akuzat i kishte për lojtarët e tij dhe jo vetëm.

“Dua të them gjithashtu se 15 minutat e fundit të ndeshjes u transformuan në vetëm 5 minuta, për vonesa të lojës dhe dëmtime që më shumë dukeshin sikur s’ishin sesa ishin”.

Portugezi mbeti i pakënaqur edhe nga sjellja e Eden Hazard i cili u largua nga fusha i dëmtuar në pjesën e parë.

“Dëmtimi i Hazard? Ai vendosi në vetëm 10 sekonda që ishte dëmtuar. Nuk e di se çfarë i ndodhi, por të vendosësh për të dalë nga fusha në një kohë kaq të shkurtër do të thotë se je dëmtuar seriozisht”.