Miratohet projektligji për kinematografi

Qeveria e Kosovës e ka miratuar projektligjin për kinematografi që parasheh një reformim të plotë strukturor në sektorin e filmit.

Ministri Hajrulla Çeku ka thënë që projektligji parasheh themelimin e rrjetit të kinemave publike të Kosovës, fuqizimin e kapaciteteve të QKK-së.

Ai ka thënë se po ashtu parashihet edhe rregullimi dhe funksionalizimi i Kosovafilmit, si dhe mbrojtja e trashëgimisë kinematografike të Kosovës.

Përmes këtij projektligji synohet që të tërhiqen investime nga jashtë përmes sistemit të Terabatit.