Ministri i Jashtëm i Hungarisë: Trupat tona në Kosovë shërbejnë nën komandën e KFOR-it italian NULL NULL 30.05.2023 09:18 30.05.2023 09:18 Ministri i Jashtëm i Hungarisë, Peter Szijjarto, ka thënë se vendi i tij është i interesuar për paqe dhe qetësi në Ballkanin Perëndimor. Duke treguar se qindra ushtarë hungarezë shërbejnë në Kosovë, ai ka shtuar se ata veprojnë nën komandën e KFOR-it italian dhe kështu edhe janë dërguar në Zveçan të hënën. “Ushtarët hungarezë i kanë kryer detyrat në përputhje me urdhrat e marrë. Shumë prej tyre janë lënduar”, ka shkruar Szijjarto, transmeton KlanKosova.tv. Kryediplomati hungarez ka njoftuar natën vonë se Ambasadori i Hungarisë në Kosovë, Jozsef Bencze, i ka vizituar ushtarët e lënduar, ku ndër ta ka pasur edhe me fraktura dhe njëri nga ta është operuar – por që të gjithë janë jashtë rrezikut për jetën. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
