Midis kaosit urban por me mendje te peizazhi

U lind në Pejën piktoreske, por tash ka më shumë vite jetë në Prishtinën e betontë e të zhurmshme.

Kjo aq më shumë e shtyn Merita Myderrizi Malokun që të imagjinojë peizazhet, zhanër që dominon në punën e saj.

Por sado natyra të jetë realisht e bukur, ajo e shpie artin e saj në kufirin midis reales dhe abstraktes, aty ku mbjell imagjinatën e saj, për të ndjellë imagjinatën e vështrueseve e vështruesve të pikturave të saj.