Mësoni si të identifikoni ndryshimet e rrezikshme të nishaneve

Nishanet janë formacione të vogla dhe të errëta të lëkurës që shpesh shfaqen gjatë fëmijërisë ose adoleshencës, por mund të zhvillohen edhe më vonë në jetë.

Ato janë krijuar nga grumbullimi i qelizave pigmentuese (melanocite) dhe zakonisht janë të padëmshme. Megjithatë, është e rëndësishme të monitoroni ndryshimet që ndodhin me to, pasi disa mund të rrisin rrezikun për kancer të lëkurës, si melanomë.

Nishanet mund të ndryshojnë në formë, madhësi dhe ngjyrë. Disa janë të vogla dhe të rregullta, ndërsa të tjerat mund të jenë të pabarabarta dhe me forma të çuditshme. Shumica e nishaneve janë të padëmshme, por çdo ndryshim në pamjen e një nishani, si rritja e shpejtë, ndryshimi i ngjyrës ose gjakderdhja, kërkon vizitë të menjëhershme te dermatologu.

Mënyra e thjeshtë për të vëzhguar nishanet është metoda “ABCDE”, që nënkupton:

A – Asimetri: Nishanet e rrezikshme shpesh janë të pasimetër

B – Kufijtë: Nishanet me kufij të paqartë mund të jenë problematikë

C – Ngjyra: Nishanet që kanë ngjyra të ndryshme brenda tyre mund të kenë rrezik

D – Diametri: Nishanet më të mëdhenj se 6 mm duhet të monitorohen.

E – Ndryshimi: Çdo ndryshim në madhësi, ngjyrë ose formë është një shenjë që kërkon vëmendje.

Nëse keni shqetësime për ndonjë nishan, është gjithmonë më mirë të konsultoheni me mjekët. Kujdesi i hershëm mund të shpëtojë jetë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.