Medvedev: Rusia do të shënjestrojë paqeruajtësit e NATO-s nëse ata vendosen në Ukrainë

Zëvendëskryetari i Këshillit të Sigurimit rus, Dmitry Medvedev, ka thënë se çdo paqeruajtës i NATO-s i vendosur në vijën e frontit në Ukrainë pa pëlqimin e Rusisë dhe me armë në dorë do të konsiderohej si objektiv legjitim nga forcat e tyre të armatosura.

“Ata do të jenë një objektiv legjitim për forcat tona të armatosura nëse vendosen në vijën e frontit pa pëlqimin e Rusisë me armë në duar dhe na kërcënojnë drejtpërdrejt”, ka shkruar Medvedev në Telegram.

Medvedev tutje është shprehur se qëllimi i vërtetë i Perëndimit është vendosja e një armëpushimi në vijën e frontit që u përshtatet atyre, shkruan RepublicWorld, transmeton Klankosova.tv.

“Është e qartë se të ashtuquajturit paqeruajtës të NATO-s thjesht do të hyjnë në konflikt në anën e armiqve tanë (Ukrainës)  dhe të shkaktojnë pikërisht atë luftë të tretë botërore, të cilës ata i frikësohen aq shumë kur flasin”, deklaroi Medvedev.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.