Më 4 prill “Shijo pranverën në Junik”

“Shijo pranverën në Junik”, është aktiviteti kulturor që do të mbahet më 4 prill të këtij viti. Organizatorët bëjnë të ditur se aktiviteti do të fillojë me një trajnim të artizanëve se si ata të paraqesin produktet e tyre në mënyrën më të mirë. “Kjo pason me hapjen publike të tregut tradicional të artizanëve në ora 10:00. Artizanët do të vazhdojnë promovimin dhe shitjen e produkteve të tyre por edhe do të praktikojnë zejet për vizitorët.

Kjo ngjarje gjithashtu do të kombinohet me lojërat e mbyllura dhe ato të oborrit për fëmijët, klasët e artit për fëmijë, performanca artistike nga ansambli lokal, rrëfimet e vjetra, ushqimi tradicional dhe çiklizmi në itinerarin kulturor të Junikut dhe shtigjet në zonat rurale. Në të njëjtën kohë në zone zhvillohet edhe punëtoria mbi gurët me studentët e Universitetit të Prishtinës dhe të rinjve lokal, nën udhëheqjen e artizanëve lokal”, është bërë e ditur më pas nga organizatorët.

Ky aktivitet mbështetet nga programi i përbashkët i BE/KiE, ‘Mbështetje për Promovimin e Diversitetit Kulturor (PCDK), dhe implementohet nga Balkan Promotion (në bashkëpunim me Komunën e Junikut, Qendrën Rajonale të Turizmit dhe Këshillin rinor për veprim lokal).

Ngjarja e radhës plotëson programin e Junikut “Gurët flasin” i cili ka për qëllim që ta zhvilloj Junikun si një qytet të gurit, që ofron atraksione të ndryshme dhe promovon trashëgiminë kulturore dhe natyrore të rajonit./KultPlus.com

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.