Mbreti Charles zbulon një efekt anësor nga kimioterapia

Mbreti Charles ka zbuluar një efekt anësor me të cilin është përballur gjatë trajtimit të tij për një lloj kanceri të pazbuluar – ai humbi ndjenjën e shijes.

75-vjeçari po fliste me veterinerin e Ushtrisë Britanike, Aaron Mapplebeck, i cili poashtu ka luftuar me kancerin, kur tha se kishte humbur ndjenjën e shijes. Mbreti Charles thuhet se u përgjigj duke thënë se ai kishte humbur gjithashtu sensin e shijes, transmeton Klankosova.tv.

Pallati nuk zbuloi kurrë se për çfarë lloj kanceri është trajtuar Mbreti, por kjo simptomë e veçantë është e zakonshme me lloje të caktuara të kancerit, si dhe trajtimet e kancerit. Në fakt, Shoqata Amerikane e Kancerit thotë në mënyrë eksplicite: “Lloje të caktuara të kancerit dhe trajtimi i tij mund të ndryshojnë shqisat tuaja të shijes dhe nuhatjes”.

Kuptohet se disa ilaçe kundër kancerit, si dhe rrezatimi ose kimioterapia, mund të ndryshojnë edhe shijen.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.