Mbreti Charles III arrin në Gjermani, vizita e tij e parë jashtë vendit si monark NULL NULL 29.03.2023 14:26 29.03.2023 14:26 Mbreti Charles III Mbreti Charles III i Britanisë ka mbërritur në Gjermani, duke bërë udhëtimin e tij të parë jashtë vendit si monark. Mbreti kishte planifikuar të vizitonte fillimisht Francën, por u anulua për shkak të protestave të vazhdueshme dhe të përhapura kundër reformave të pensioneve të presidentit Emmanuel Macron. Charles dhe gruaja e tij, Mbretëresha Camilla, do të priten nga presidenti gjerman Frank-Walter Steinmeier, në Portën e Brandenburgut të Berlinit, e ndjekur nga një darkë shtetërore në mbrëmje në Pallatin Bellevue. Dy krerët e shteteve pritet të diskutojnë qëndrueshmërinë dhe kalimin në energjinë e rinovueshme. Nesër, çifti mbretëror do të takohet me kancelarin Olaf Scholz dhe kryebashkiakun e Berlinit Franziska Giffey. Charles do të mbajë gjithashtu një fjalim në parlamentin gjerman, Bundestag, duke e bërë atë monarkun e parë britanik që e bën këtë. Dyshja më pas do të udhëtojnë në Hamburg përpara se të kthehen në Mbretërinë e tyre, shkruan DW, përcjell Klankosova.tv. Vizita synon gjithashtu të përmirësojë marrëdhëniet me vendet e Bashkimit Evropian, pas viteve të tensionit mbi negociatat para dhe pas Brexit. Të dyja vendet kanë qenë së fundmi duke koordinuar nga afër reagimet e tyre ndaj luftës ruse kundër Ukrainës. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Në uniformë ushtarake burri plagos tre persona në Bregun Perëndimor, përfshirë një të mitur 7 sekonda më parë
Kosova Kurti: Masakra ndaj familjeve Bogujevci, Duriqi, Llugaliu na kujton sa i lartë ishte çmimi i lirisë 4 minuta më parë