Mbahet simpoziumi “Epilepsia dhe shtatzënia”, neurologët diskutuan për menaxhimin e sëmundjes

Përmes simpoziumit “Epilepsia dhe shtatzënia”, është shënuar Dita Ndërkombëtare e Epilepsisë, me organizim të Shoqatës Kundër Epilepsisë së Kosovës, me mbështetjen e Shoqatës së Neurologjisë së Kosovës.

Hapjen e këtij simpoziumi e bëri kryetari i Shoqatës së Neurologëve, profesori, Afrim Blyta i cili me këtë rast, tha se esenca e organizimit të Simpoziumeve të tilla është që të diskutohen arritjet e mëtutjeshme profesionale për profesionistët shëndetësorë.

“Puna e mjekëve dhe profesionistëve shëndetësorë është një tregim që nuk përfundon, kurse esenca e organizimit të Simpoziumeve të tilla është që të diskutohen arritjet e mëtutjeshme profesionale për profesionistët shëndetësorë”, tha Blyta, përcjell Klankosova.tv.

Ndërsa drejtori i përgjithshëm i ShSKUK-së, Elvir Azizi, tha se takime të tilla janë të mirëpritura pasi që mund të diskutohet dhe shkëmbehen përvojat lidhur me sëmundjen e Epilepsisë.

“Takimet e tilla janë të mirëpritura ngase profesionistët e fushës kanë mundësinë të diskutojnë dhe shkëmbejnë përvojat e tyre nga fusha e Neurologjisë, në këtë rast për sëmundjen e Epilepsisë”, u shpreh Azizi.

Kryetarja e Shoqatës Kundër Epilepsisë, profesoresha, Valbona Govori theksoi se këtë vit si temë boshte të diskutimeve kanë zgjedhur “Epilepsinë dhe Shtatëzaninë”.

Në diskutimet e tyre, neurologë dhe profesionistë të tjerë mjekësor diskutuan për rastet e epilepsisë tek shtatzënat dhe menaxhimin e sëmundjes.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.