Maqedoni: Tifozët e klubit të Vardarit, sulmojnë disa shqiptarë - Klan Kosova

Na ndiqni në:


Get it on Google Play Download on the App Store

Maqedoni: Tifozët e klubit të Vardarit, sulmojnë disa shqiptarë

NULL NULL
10/08/2015
Raportohet se personi i cili e ka pësuar më rëndë nga dhuna e tepruar e huliganëve, është Burhan Ismaili, nga fshati Batincë, si dhe kushëriri i tij 14 vjeçarë.

Një ndeshje futbolli mes ekipit të Shkupit dhe Vardarit ka eskaluar në revoltë nga tifozët e Vardarit “Komitët”, të cilët të revoltuar pas ndeshjes mes Shkupit dhe Vardarit, që përfundoi me barazim, nuk i kanë kursyer as qytetarët e pafajshëm përfshi edhe ato të gjinisë femërore.

Prej gjithsejtë 12 personave të sulmuar 10 janë gra.

Viktimat e pafajshme në momentin e sulmit, kanë qenë duke shëtitur në sheshin “Maqedonia”.

Raportohet se personi i cili e ka pësuar më rëndë nga dhuna e tepruar e huliganëve, është Burhan Ismaili, nga fshati Batincë, si dhe kushëriri i tij 14 vjeçarë, transmeton AlsatM.

Edhe në qendrën tregtare “City Mall” në Shkup, Komitët kanë sulmuar fizikisht edhe dy shqiptarë nga Velesi të cilët jetojnë në Belgjikë, e që kanë ardhur në vendlindje për pushime.

Ata përveç që i kanë përgjakur dy shqiptarët, gjithashtu edhe e kanë demoluar veturën e tyre.

Nga policia konfirmojnë incidentin dhe shprehen se punojnë në zbardhjen e rastit.

Maqedoni2

Maqedoni3

Maqedoni5