“M’u kish sha krejt familja”, Mozzik reagon pas komenteve për pjesëmarrjen në marsh

Reperi Mozzik ka reaguar pas pjesëmarrjes së tij në “Marshin për Liri”, të mbajtur të dielën në Prishtinë në mbështetje të ish-krerëve të UÇK-së që po gjykohen në Hagë.

Përmes një postimi në rrjetet sociale, Mozzik ka treguar se pas kthimit në shtëpi kishte lexuar komentet në disa artikuj ku ishte përmendur pjesëmarrja e tij në marsh.

Ai ka thënë se kishte hasur në komente fyese ndaj tij dhe familjes së tij, ndërsa pretendon se shumica e profileve që kishin shkruar ishin të rreme.

Mozzik ka reaguar ashpër ndaj atyre që, sipas tij, kundërshtojnë luftën e UÇK-së, duke i akuzuar edhe për lidhje me Beogradin.

“Zoti ju marroftë juve që jeni kundër luftës së pastër të UÇK-së! Largohuni prej rreshtit tonë. Nuk na duheni as sot me u rreshtu me ne”, ka shkruar ai, transmeton Klankosova.tv.