Lushaku thotë se marrëveshja Kurti-Vuçiq ia fal krimet Serbisë

Kryetarja e Forumit të Gruas të LDK-së, Jehona Lushaku-Sadriu, po vlerëson se plani evropian i cili mbrëmë është pranuar zyrtarisht nga kryeministri Albin Kurti, i fal Serbisë krimet që i ka kryer në Kosovë gjatë luftës.

Historia nuk njeh rast kur një shtet ia fal krimet një shteti pa kërkimfalje, thotë ajo mes tjerash, transmeton klankosova.tv.

”Kjo marrëveshje ia fal krimet Serbisë, e harron gjenocidin. Për herë të parë në tavolinë nuk ka më viktimë. Historia nuk njeh rast kur një shtet ia fal krimet një shteti pa kërkimfalje. ASNJËHERË krimet e luftës nuk vjetërsohen, asnjëherë. Në ankth mbesin mbi 1600 familje që nuk dijnë asgjë për fatin e më të dashurve të tyre, e mbi 20 mijë gra të dhunuara gjatë luftës që kurrë nuk gjetën drejtësi. Tash e 24 vjet, ANKTH. Nga jo negociata pa zbardhjen e fatit të të pagjeturve, në marrëveshje që nuk zbardh fatin e tyre!”, ka shkruar Lushaku-Sadriu.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.